مجانا//نور
مجانا!!
ومرّ الوقت
كان ضيق أوي
آسفة!
ما لحقتش أعرف شيء
يترجم شيء!!
مع إن إيدي العرجا
وسعتلي طريق
وعقلي رمالي كام وصفة
مالحقتش أطبع منهم حاجة
تِنْجِد حد!
ولا اكتشفت قانون
يعيد تنظيم
مشاعر اليوم
فيِهْدا الغد
وبعد الفكر والتدقيق ف امبارح
وكسرة صوتي في الأحلام
وضلعي المايل السارح
لقيت إسمي
ف آخر التّتر مستسلم
حقيقي السكة مرسومة
بخيط مسروق؟
سألني وهو بيتمتم
دا كان تايه؟
دا لابس طوق وناب خشبي
بينزف طين وبني آدمين!
لقيتني ساكتة بتفرج
ومش خايفة
ولا بصرخ
ولا بسأل
وبتحَجّر
وحتى سؤاله بقى مخفي
وهو كمان
كأنه ما كان
ومات الشّك والتخمين
وقِفْ الوقت!!
نور
تعليقات
إرسال تعليق