(عامية)أسبرينة//نور محمد
أسبرينة..
وصفة دارجة
ووضع خايب
قرص سايب لَك
مصابك
بس غرقًا
إنت فاكر
فيه نجاتك والسفينة
أسبرينة..
تعني واقع
م السذاجة
فرصة ضايعة
بإيد لاءاتك الخفيّة
وشِبه حاضر
وِشّه داب من مخاوفك
لخبطيشن من هروبك
وإنت شايفه
وااااو وحاجة
هوّ أيوه
جزء منك
نوع صنعتُه من خداعك
عاش في دمّك
طب يجرى إيه؟
يجرى حاجة؟
لا لا طبعا
يلا كمّل
واوعى تفصل
دي مجرد أسبرينة
يعني مرّة
كل نغزة!
كل همزة وكل لمزة!
وكل ضربة!
وكل غزّة
كل جرح بحجم روحك
كل لحظة وأسبرينتك
في دِمانا عاملة شغل
كل صبح وميت غروب
للسيادة
نور
تعليقات
إرسال تعليق